Oilo-arrautza hautsia Idiazabal salda koipetsuan eta tipulina-oliotan
4 Pertsonentzako osagarriak
50 g-ko 4 arrautza
Bakailao-salda: 1.000 g bakailao-azal, gatzgabetuta eta xukatuta 2,5 dl ur 60 g tipulin 10 g baratxuri-ale zanpatu
Idiazabal gaztaren gazura: 200 g Idiazabal gazta zatituta oliba-olioarekin 3 dl ur
Idiazabal gaztaren salda koipetsua: 11,5 dl bakailao-azalen salda 140 g Idiazabal gaztaren gazur
Tipulina-olioa: 75 g tipulina 1 koilarakada kalamata oliba-olio. Gatza.
Ekoizpena
Arrautza egosteko: Arrautzak oso freskoak izan behar dira. Arrautzak giro-tenperaturan utzi 15 minutuz, edo ur epeletan ondo murgilduta. Roner-a 62ºC-tan egon behar da. 50 g-ko arrautzak 38 minutuz egosiko ditugu.
Bakailao-azalaren salda: Sartu osagai guztiak huts-poltsa batean, zigilatu, eta 4 orduz 62 ºC-ra egosi. Ondoren, iragazi, eta artileki batetik pasatu, egon litezkeen ezkatak eta partikulak kentzeko. Gerorako utzi, ganberan gordeta.
Idiazabal gaztaren gazura: Bi osagaiak ontzi batean nahastu, eta su txikian jarri, disolbatzen den arte. Gero, iragazi, eta ganberan hozten utzi. Behin hotz dagoenean, koipea kendu, eta geratzen den zukua da erabiliko duguna.
Idiazabal gaztaren salda koipetsua: Salda biak nahastu, irakin, eta gatza zuzendu. Zerbitzatzeko unean, aparra atera.
Tipulina-olioa: Tipulina-makiltxoak hautatu, freskoak ez direnak baztertuz. Ur irakiten jarri, gatzarekin, eta tipulina galdarraztatu. Gero, freskatu eta ongi xukatu. Lortutako salda eta tipulina likidotu, eta olioa bota, norberaren gustuaren arabera. Belar- eta olio-purea lortu behar dugu.
